… شراعي …
رأفت عبد العال
ولإنك ياحبيبتي شراعي
فكرت أحكيلك أوجاعي
لإن أنا عايش من خيرك
مش ممكن أهوى أبدًا غيرك
عيشاني وعايشك ياحبيبتي
والعشق ما بيننا صباحي
لما أنطق أسمك ياحبيبتي
أسمك يتغنى في غناوي
من يوم ما عرفتك أنا رأضي
يا حبيبتي أنا عايش أنا ليكي
ممدودة جدوري في أراضيكي
وألحب ما بيننا بيتواعد
مرسومة بكفي أنا مش ناسي
مدفونة في قلبي وإحساسي
ومكانك دايمًا على راسي
بدعليك ليلي وصباحي
الأمن على سطوحك صاحي
ماهو أنتي في قلبي يا براحي