!!!دور علي عنوان!!!
ماشي جوايا الحيره.أدور جوه الحاره
ل صحبه وأهل وجيره.وسط عيون الماره
لقيت الخلق كتيره.وعيون تايهه حياره
عايشين بس عرايس.حركها ضمير مجهول
واحد ل النار شايل.والتاني بالجاز مبلول
سافر كده بخيالك.لو مره إتلاقو ف يوم
وازاي ترضي بحالك. لما الشر يدوم
ريحت ف قهوه كبيره .أشرب شاي وسجاره
وناي أنغامه حزينه.وصوت بيغني خساره
وبعده وديع بحرارة.فين حبايب الدار
سافر بيا الخيال. قبل الصبي ب أوان
أيام ماكنا عيال. وبنلعب بالألوان
رسمنا حمامه رقيقه.حولين برج حمام
وبنرجع بعد دقيقه. لو فرقنا خصام
جونا طوله البال. منقوشه علي الجدران
أحلام حضنه أمال. وبسمه معاها أمان
فجاءه صحيت علي نار .حارقه ف أيدي صباع
لقيتني بقول يانهار. ياريت الحلم ماضاع
ياضمير عاش مجنون.جونا القلب حنون
دا مهما نلف الكون.مسيرنا لبعض نكون
أتمني تلاقي عنوانك.لو ف دقيقة نوم
وتلاقي جواب لسؤالك .ليه العشره تهون
..،،..