لا تقطفي. .بقلم الشاعر. .صبحي ياسين

==== ياايها الساده ===
قصيده للشاعر // على عبد الرازق صالح احمد
المعصره - الفتح - اسيوط
=========
يايها الساده ،انا نفسي اكون حاجه
نفسي اكون انسان
ونفسي الاقي مكان
لما اكون عيان
فى مشتشفى وعياده
ايها الساده ، نفسي اكون حاجه
===========
نفسي الاقي لحاف
فى البرد يغطيني
ومروحه سقف فى الحر تهويني
نفسي الاقي مدرسه تعلمني أمور ديني
مطلبش انا زياده يايها الساده
الفقر مصحبني
انا كارهه وحببني
من فرط حبه لي
عايز يموتني
بيلف حوليه ديما محاوطني
مفيش حلو فى حياتي
شايي بدون سكر
وقهوتي ساده
يايها الساده ،نفسي اكون حاجه
==========
نفسي يكونلي كتاب يلم أشعاري
كيف وانا فقري والفقر مقداري
دا انا حته فقري دكر
وساكن معي فـــ داري
حاولت اني أقتله قالي يابو عباده
اهدى بقى وروق  ، واسمع لمياده
ياايها الساده ، نفسي اكون حاجه
=========
نفسي اعيش فى وطن
عايش بدون أرهاب
غاب عنه شرع الله
يحكم بحكم الغاب
يقتل بني الآنسان
ويندفعله حساب
من دوله عربيه وميولها غربيه
دُويله فى وسط الخليج
معقول دا عربيه
حاكمها اسمه تميم
انسان لكنه زميم
اكيد عُتل ذنيم
لو كان رجل وحكيم
ما كان قتل انسان
بيقتل بمال شعبه
وموزه بتلاعبه
بفلوس وملهاش حصر
بيقتل بيها أهله
فى ليبيا او فى مصر
وبيرضي أسياده
ويقتل فـــــــــ احفاده
علشان يرضوا عليه
ويثبتو كراسيه
مداوم على التنكيل وكأنها عباده
يا ايها الساده ، انا نفسي اكون حاجه
============
نفسي اكون انسان
عايش بدون آدمان
أكيد هكون فـ آمان
على نفسي وعيالي
ومن المرض خالي
وبلدي فى بالي
وداري انا بحالي
الآدمان ملهش آمان
وناره منقاده
ياايها الســــاده
===========
نفسي أعيش مع ناس
وابواب بدون ترباس
نفسي اعيش مع ناس
قلوبها من فضه وعقولها من الماس
والمسلم مع القبطي ، محمد مع ألياس
وفاطمه وسعيده مع تريزا وبساده
ياايها الساده
========