لا تقطفي. .بقلم الشاعر. .صبحي ياسين

بيومي والديك الرومي )
أحلى تحية وأحلى سلام
لست عزيزة وعم إمام
علشان عزموا سعيد بيومي
على ملوخية وعلى ديك رومي
عم سعيد قلع الجلابية
ف غمضة عين إبن الجنية
إتمطع وضرب غطسين
وإتشقلب جوة الملوخية
وطلع المدعو سعيد بيومي
من الملوخية نهش في الرومي
قام سي إمام وقال دا كلام
الضرب في ميت يبقى حرام
ضحك بيومي وأرخى في جفنو
وقال إكرام الميت دفنو
قامت الست عزيزة م القعدة
إديتلو قوام بوكسين في المعدة
وجوز إقلام مع كام شلوت
وقالتله تحلي بدولا ياسعدة
وعم إمام رفع في إيديه
وبكمه بيمسح دمع عنيه
عزيزة قالت ياإمام فيه إيه
رافع إيدك قول كدا ليه
بقرا الفاتحة على ديك رومي
جبته أنا بعد مابيعت هدومي
ألفين رحمة ياديكنا عليك
وألفين لعنة على البيومي
بقلم طارق السيد