لا تقطفي. .بقلم الشاعر. .صبحي ياسين

وبابعت رسايل   [ رسالة من دار المسنّات ]
__________
وبابعت رسايل
لأغلي الحبايب
بروحي اللي عاشقة
وقلبي اللي دايب

أنا مش راح اعتب
ولا الوم عليكم
حياتكم رحاية
وبتلف بيكم

وبادعي لربي
ومن كل قلبي
يحنن قلوبكم
وتشتاقوا دربي

بتدبل ورودي
ويسقط ورقها
ولحظة لقاكم
تعود باشتياقها

وتخلص شموعي
ف حلم التلاقي
تعالوا الحقولكم
شعاع م اللي باقي

ولو ساعة واحدة
ح تفرح عنيه
بنظرة عيونكم
ويهدي اللي بيّه

تشاركوني فرحي
وشوقي ودموعي
دي لهفة فؤادي
وحيرته ف ضلوعي

تناجي اللي حاضر
تنادي اللي غايب
وتبعت رسايل
لأغلي الحبايب

أم الشعراء
سامية سليمان محمد