لا تقطفي. .بقلم الشاعر. .صبحي ياسين

ف وسط الليل بتنده ليا أحلى عيون
فيحلا السهد فى عنيا و ابات مفتون
ألاقى الفرح يحضنى و اعيش وياه
و يرقص قلبى و يغنى لكل الكون
          **********
يا أغلى الناس وحشتينى يا روح الروح
معاكى بعمرى و سنينى و فين ما بروح
يا نبض القلب ضمينى أنا مشتاق
د قربك يا حياة عينى يداوى جروح
          **********
يا كل ما ليا يا نبضى و نور العين
ف قلبى الحب بيغنى و كلى حنين
و جوه فؤادى بينادى أنين الشوق
بينده ع اللى عاش هايم مع العاشقين
          **********
لإمتى البعد ينده لك و تمشى معاه
يغيب الفرح و يروح الأمل وياه
لإمتى الفرقة ترمينى لحرقة و ويل
و إمتى يا عمرى هتجينى بأحلى حياة
          (احمدسيداحمد)