* ((**سر السعاده**))
** ** ** **
سر سعادة العبد فى إنه
يرضى برزقه تملى إكمنه
قانع بإن دى قسمة ربه
ويحاول ديما يرضيه
وكمان تعرف سعادته فى إيه؟
فى زوجه صالحه تكون عون ليه
وف عز الشده تشد إديه
واقفه جمبه طول لياليه
فرحان بيها وفرحانه بيه
تعرف لسه سعادته فى إيه؟
فى صديق وقت الضيق يلاقيه
من غير حتى ندهه عليه
واقف جمبه شادد عزمه
أخ حقيقى بكل معانيه
تعرف كمان سعادته فى إيه؟
سعادته فى خلفه تسر عنيه
تملا حياته سعاده وبهجه
وفى الكبر تكون عون ليه
وتحاول ديما ترضيه
وكمان لسه سعادته فى إنه
يلقى حفيده بيلعب جمبه
مهى زرعة إبنه اللى بحبه
يارب تتحقق أمانيه
** ** ** ** **
كلماتى
فاطمه عبد الشافى