أنا حيرانة وقلبي حزين
مين في حياته عايشها سعيد
أو تحقيقه لحلمه. أكيد؟
مين إصراره بقوة. عنيد؟
ليه واخدانا الدنيا بعيد
عن أحبابنا وعن أمانينا
ولضرباتها القسوة دليل!
وبنستسلم قوي ونقدم
ليها الحب ضعيف وعليل
جوه دموعنا آلامنا تزيد
ظلم. مرارة. ناقصها العيد
تعبان قلبي كتير يا حبايبي
من غدار وحقود.بيقيد
نارنا بخوف وعذاب عربيد
مادد. إيده بصفعة قوية
علي خدين محفورة أنين
ليه بنمد إيدينا و ندي
يترد لنا. جميلنا وعيد
قهر و غلب و فرح زهيد
جوه الضحكة نلاقي وعيدنا
نظرة عين. ويا. التهديد
((بقلمي/صفاء مصطفي الخواجة ))
