يا زارع الصبر
فى ارض الجمر
ازاى يطرح
اسْتَّحملْ شُوك (عَقُولْ)
واكتب كلامى واقول
ملعون ابو العقول
لو مفهاش للخير مطرح
أنا شغلتى فى الحروف
رُبانْ
احدد النظم والسير بأمان
واوجه بوصلتى للخير
وازاى اكون انسان
لو مستحملتش الغير
عمرى ما راح انجح
اقول كمان
فيه نفوس شريرة
ساكن قلوبها الغيرة
تظهر الضحكة
وابتسامه مش هيه
تلون الضمير والنيه
لو مسحت الرتوش
تلاقى تحتيها تكشيرة
لو قلت آه بيوم
تلاقيها فيك تفرح
تانى
اغربل حروفى
اهزها مليون مرة
اترك الحلوة وانقض
المرة
جميل اللسان والطبع
معروف
اما اللئيم يعملك كل
يوم جره( مشكلة )
ولسانه سكين يدبح
على حافظ علم الدين
