قصيده بعنوان..... لسه مش ناسيها
إفتحوا قلبى تلاقوا
١٠٠دليل على حبى ليها
كل دقه ف قلبى رافضه
تبقى عايشه إلا بيها
وف مشاعرى شيئ ساحرنى
والسعاده عيشت فيها
لما طيفها يوم قابلنى
وإنشغلت بحبى ليها
كنت راسم أحلى جنه
بيت صغير كان عشانا
كل طوبه منه كانت
كل ثانيه بتناديها
رغم قلبى كان عاشقها
وب حنانه كان شاريها
بس جاها حد تانى
هد لى كل الأمانى
قبل مني سباقنى ليها
الدموع نزلت فى عينى
والألم أصبح مالينى
لما هنت ياناس عليها
بس رغم البعد عنى
عشقها ساكن فى دمى
لسه برضه مش ناسيها
كلمات الشاعر محمد ثروت عبد الحفيظ