لسه الدنيا والله بخير
فيها الحب
وفيها الخير
فيها الناس
بقلوبها غلابة
فيها قلوب
مليانة طيابة
لسه بندِّى
أمل للغير
لسه بنطرح
حب وخير
لسه قلوب ..تطرح حنية
صدق وإحساس على ملاغية
لسه الناس بتحس ببعض
لسه الضحكة.. جوه القلب
بتجمع بينا
لسه بنرسم أحلام بكرة
بكل أمالنا
لسه الفرحة جوه قلوبنا
وعايشة عشانا
لسه الحزن يقرب بينا
لسه الطيبة لناس
عناوين
ترسم بسمة
لكل حزين
من ديوان اتحداك