لا تقطفي. .بقلم الشاعر. .صبحي ياسين

زجل ؛ القبض
.................
السقف
و نجفه
مابيضحكوليش
و الحيط بتشق
ويطلع بؤ ...........ويأكل النيش
وأصرخ
.......تضحك لي سراير أوضتي
ودلابي يخبي هدومي وفوطتى
ويعربد قلمي في أحضان نوتي
وإن قولت حشوني
....................... مايسمعنيش
سكاكين المطبخ بتكشر
ومعالق نايمة وبتشخر
وإطباق بتنط وتتكسر
وتقول للبويلر ماتحشنيش
سجادى وماسك فى صالونى
ويقول رجليه دول ظلمونى
علي طول دايسينى وذنقوني
هنا تحت الشيش
وجريت علي الباب بس الؤكرة
قالت مش هفتح غير بكره
وانا عايز اخرج مش عارف
انا شايف ولا مانيش شايف
حتي السيراميك عنده شفايف
تتمط ببوسه تقول ليكره
والحيطة بتبعد وتقرب
والأوضة بتوسع وتضيق
والبرق بيبرق ويكهرب
أفكري شوية زحاليق
فكرني ياعالم مناخوليه
ودماغي صفيح او ألامونيا
انا عايش زيكم في الدنيا
وضروري شويه تدقيق
القبض بيخلص من عشرة
وبعيش ع الهامش عشرين
مش فاضل منى غير القشرة
وتكفى القشرة ياناس مين
في علاج وإجار ودروس خاصه
وبطون بالجوع تقرص قرصه
تشبه لفضيحة نقول جرسه
بتطير عقل البني أدمين
.
#عادل_عوف
#القبض_بيخلص_من_عشره