شعرغنائي
جاري النسيان
-------------
شفت عذاب اشكال والوان
تعب القلب من الاحزان
قلت انساها وانسى الماضي
واهو جاري يا دنيا النسيان
***
علشان صعب تلاقي القلب
اللي بيخلص واللي يحب
لو شاف قربك من مصلحته
بيزود ف الكاس ويصب
***
اتعودت اكون مش سهل
حتى ما بين الناس والاهل
كله بيجري وبيتسابق
لا بيتعب ولا حتى يمل
***
شايف كام واحد واناني
ميحنش قلبه على التاني
ولا بيفكر الا ف نفسه
ويقولك دا عمل انساني
***
لو فكرت ف يوم تتهنى
حب الخير للغير واتمنى
وما تنساش انك انسان
عايش على املك ف الجنه
---------
بقلمي
احمدعبدالله الاسيوطي
