لا تقطفي. .بقلم الشاعر. .صبحي ياسين

فوق الخدود
كانت وعود
الدمعتين
ماينزلوش
على حب كان
عامل سدود
بين الحنين وبين
عيون مابيناموش
بس الرموش
قدرت تحوش
كل أحزان الوشوش
لما كان الكحل سايل
والشفايف حالها مايل
من صراخ قلبي
اللي شايل
جوه منه جرح
عمر ما يوصفوش
مابتشفوش ..؟
مابتشفوش الحزن
من بين القلوب ؟
لما ياخد روحه منك
ويا دقة بتحكي انك
لسه مجروح من عيون
مابيرحموش
واما قلب يكون اناني
طول حياته كان معايا
وهو نبضه لشخص تاني
يبقى ليها حق روحى
تشتكي من بين جروحي
ع السنين اللي قاضيتها
وسط حب ما عشتهوش

خالد عبد السلام