قصيده بعنوان........ الربيع
الربيع محلا جماله
ياما قالوا عليه وقالوا
الطيور ماشيه تغنى
والزهور عاشقه دلاله
.................
النسيم ع الكون تجلى
والقمر مال ع النجوم
قال لها بكره عشانا
والأمل غطى الهموم
..................
شفت فرحه جايه ترقص
ب البشاير والورود
ع القلوب طايره تنادى
سحرها مالوش حدود
..................
ورده حمرا للحبايب
واللى خلا القلب دايب
ورده بيضه للى غايب
واللى تايه ف الدروب
...................
كل عام يجى الربيع
ضيف حنون حضنه وديع
بالجمال ربك حباه
خلا سحره شيئ بديع
....................
مهما هأوصف مش هقول
الكلام شرحه يطول
هى حاله فيها عايش
الربيع خطف العقول
......................
كلمات الشاعر محمد ثروت عبد الحفيظ