=== فى ذكرى وفاه الخال الآبنودي ===
قصيده للشاعر // على عبد الرازق صالح احمد
المعصـره -- الفتــح --- اســـيوط // ت//
======================
بكت القصائد والشواعر على رحيل الخال
بكت الحروف والقوافي والشعر والازجال
اللي سكوته دهب وكلامه كان موال
مين ينسى لما كتب الليل طويل البال
مين ينسى لما كتب عن وهيبه وقال
والا ... فايزه لما قالت ، مال علي مال
حتى فى حضن الحابايب رمى العندليب فى الحال
وحلف بأسمك يامصر ومصانع العمال
ما تغيب شمس بلادي طالما شعبك قال
ياخال انت فــ قلبي لو اتقرطف الموال
صعيدي حتى النخاع ، عمره ما كان محتال
والا... يوم لسانه انعوج والا انبهر بالمال
والا عمره قال البئه ،والا قال فى يوم مين آآآل
صعيدي وكان يفتخر ويرد السؤال بسؤال
اختار شريكه حياته وكان اسمها إنهال
أصيله وبنت بلد رفعت عليه أحمال
ورغم انه أُعتقل كتب كلام لجمال
لانه من أصل طينته ، وكان راجل ملهش مثال
حارب بسيف الزناتي لما الهلالي مال
أصيل أصاله الهرم ، طيب وابن حلال
اللي كلامه عسل يجري كما الشلال
وصوت زئير الآسد وبرعشه الزلزال
هتفضل بروحك معانا ، لو عدى النهار ياخال
======================
أنهال فى البت الخامس عشر أصلها نهال / زادت ألف لآستقامه الوزن
