كان اللى باين وقتها
اني بايعها وسيبتها
بس الحقيقة غير كدا
ماعرفش ليه متأكدة
وظهرت في المشهد غلط
بقتل حبيبتى بهجرها
وأغدر بقلبى وقلبها
شرير......... وبينفذ خطط
ماكنش فيه عندى اختيار
أمثل الدور و أتقنه
وسيناريوا مشمول بالحوار
وشيطانى واقف ألقنه
حبيت أبان إنى السبب
والظلم سيفى ومخدعى
والغدر عندى يادوب عدد
وقلبى سادى ومدعى
كرهت أبان للناس ضعيف
خايف ومرعوب برتجف
حبيت أجود لما أضيف
فلقيتنى قاسى وبتحدف
بجرحها وأتشفى برود
وأدلق علي الجرح البارود
وأموت الورد الودود
وتشوفني غيرى و أختلف
ونجحت فعلا وبجدارة
وبقيت انا الندل الغشيم
وهي مظلومة وخسارة
فى حد زيي علشان لئيم
لكن الحقيقة غير كده
و واضحة ليها مأكده
لا شادية كانت مجرمة
ولا خانها في المطلق حليم
#معبودة_الجماهير
#عادل_عوف
