لا تقطفي. .بقلم الشاعر. .صبحي ياسين

الحلم المعاند
========
الحلم فوق الحيطان
مستنى يجى النور
والشمس متعفره
تخنق ف نور القمر
يسقط هلال مكسور
يا حسبه المساكين
جينا الحياه إتنين
آدم ف إيده حوا
والحلم تالتهم
يعنى الحقيقه إخوات
ننبش جروح الأرض
تطلع لنا ورده
دلوقتى ليه قافله
وخانقه ومعانده
يطلع صراخك ألم
مع كل ضربه فاس
لو ناسيه إبنك مين
قومى إفتحى الكراس
مينا وجاى لى هناك
يوحد اقطارك
ماسك ف إيده علم
وبيكتب أشعارك
مستنى صلاح الدين
هيرتب أفكارك
دلوقتى ليه صارت
كل الحقيقه ضباب ؟
حلمنا ع النوته
ووقت حسابنا عسير
تخلص فلوسنا شقا
وإيدينا متشققه
ندفع حسابنا رقص
وسط التاريخ بلبوص
حتى النقوط مجانى
بإشارة مش بفلوس
========
إبراهيم معوض