تحتاط م البلا قبل وقوعه
و وقوعه برئ رغم الحيطة
وإن كان ع قلبى و موضوعه
ف أنا عايز أسمع زغروطه
إتمسك بحبالها الدايبه
الدنيا
......... وسابت ماختارتش
والخايبة بتنده على الغايبة
انا قولت أحبه وما إرتاحتش
والحجر الداير مستسلم
لدواير أوسع م الدنيا
يتلط
....... فيضحك ويسلم
لمشاعر فلصوا وألمونيا
والكدب ب يكبر و يكابر
على كف العمر ويملى كتاب
والصبر أساسا مش صابر
واهو واخد كل حبايبه غياب
(يتبلشت) والماسك حصونه
والكل بيضحك فجأة عليه
والضحكة بتطلع ف تخونه
الدمعة و تلمع جوا عينيه
أيام بتعدي ب جرايرها
ولا عارف تعرف تقديرها
لو كنا نعيش أيام غيرها
أنا قلبى ماكنتش هسأل فيه
محسوبة سنينك بالبوصة
أفراح
.......أحزان
..............حسب الحالة
والعمر مواقف مرصوصة
على جرحك وانت السقالة
فوق كتفك أحلام بتشيلها
تخرج من هيل تتهال غيرها
ودواير خوفك بتديرها
الدنيا في حلة غسالة
#عادل_عوف
(يتبلشت ؛ يعمل عمل البلياتشو)
