لا تقطفي. .بقلم الشاعر. .صبحي ياسين

حسن الطباع راح فين
وعاداتنا يا بو حسين
على النواصي واقفين
من كل هلف إتنين
يضحك ويتنطط
سجاير وزفت وطين
محاميل لعرض الشين
والضحك على المارين
ومعاكسه بمد إيدين
شياطين بتتعفرت
ساعة الأدان ناسيين
كل عرف ودين
لو شافوا فؤاد ويسين
للصلاة كدا رايحين
يتمقلس ويتزقطط
منظر بيئذي العين
حق الطريق راح فين
حاجة تندى جبين
زينة الشباب ساحبين
قط وكلب أشمط
الشكل شكل غريب
ما يعرف ملام ولا عيب
شعره عامل شراشيب
ومكلكع بشكل غريب
مشفتش كدا أعبط
واللى شايلى لعيب
ومصارع بشكل مريب
كاشف على العراقيب
برامودا تتسقط
هتقول شباب فاضيين
سيبهم دا هما يومين
عايشنهم كدا فى نعيم
بعد كدا رايحيين
للف فى الطواحين
من غير ما يسلبط
هى قيمنا فين
أحفاد حسن وحسين
وعلى زين العابدين
وأسامة وذو النورين
الكل على الدين ربط
متع الحياه سكاكين
سرقا رقاب ملايين
همه يعيش الحين
بكره الرحيم هيعين
من غير منثبط
العمر يطول لسنين
يمر يدوب ساعتين
والحسرة على المسكين
عاش الحياة فى الطين
شيطان ومتسلط
حسن الطباع والدين
ودموع على الخدين
والفرض معاه نافلين
أخره جنان ونعيم
يفرح ويتزقطط
......وائل سعيد.....