سبوره العمر
________________
دايره ومقفوله
جواها ميت فكره
والماضي كله هموم
والخوف من بكره
أرسم أمل بحروف
طعم السعاده خوف
ياقلب ياشايخ
في عمر سنه أولى
والتور ومتغمي
بيلف تنوره
علي الصوره
كبرت ملامحنا
وف أول المحنه
رتوش بلا الوان
توهان
واللوحه مكسوره
سبوره العمر
مليانه بالأحزان
يادمع مش بيبان
الزرعه دبلانه
والبير كمان نشفان
بس الحقيقه الوجع
بيبان على الانسان
في زكريات شاعر
الحرف كان مجروح
رافض معاناتي
وإزاي بسري يبوح
انا. جسد لكنه فارق روح
فمتزعلش مني
خلصت فيكي العمر
جاني الكبر بالأمر
مكنش ليا أختار
اني ارتضيت بالجمر
جوا الطلل بالأمر
كان عايش هنا مين
دق الببان مجنون
وحبيبه كان ميت
مستني يفتحله
ويسيب حساب القبر
والقبر. جوا كمين
رد الصدى انا فين
الكل صابه الطرش
واللي هيسمع مين
عدت سنين
وفضلنا على حالنا
والبيت. رفض يتهد
والظلم فاق الحد
والنوه نشفانه
بحرك سكون
لا جزر. فيه ولامد
كل اللي عشته
وهم عدى
كانه صحيح
ف عز تعب القوافي
رافضه المعاني تستريح
وادي مركبك. تاهت
وشراعه عكس الريح
وايه هيفيد وجوه أكذوبه
كام بيت لشعر صريح