حلم 100 مليون يا مصر
حلم 100 مليون يا مصر
حلم غايب من سنين
بالأمل و بدم حر
و بشجاعة موهبين
اللي حارس كان شجاع
و اللي بيأمن دفاع
كله كان عنده إقتناع
كله كان عنده يقين
الغريب عن أي دوله
إن الحب فطره فينا
و أما بنحب بذمه
مش عشان يتقال علينا
كلهم كانوا نجوم
م الدفاع حتى الهجوم
حلمهم نوصل في يوم
روسيا عماله تنادينا
شد حيلك يا أبومكه
انت خلاص بقيت كبير
كان فاضلك بسه تكه
بس راموس كان حقير
المهم الكل عارف
و اللي شاهد كان و شايف
ان ريالهم كله خايف
قام معينلك غفير
خاد دراعك قام و لافف
لما شاف انك خطير
كنت تبكي و هو واقف
يضحك معدوم الضمير
كان ناويها ..تقولي أسف ؟
دا المدرب قال كتير !!!
شد حيلك يا صلاح
مصر كلها بتناديك
إنسى و سيبك م اللي راح
كأس العالم بين إيديك
حلم 100 مليون يا مصر
حلم غايب من سنين
بالأمل و بدم حر
و بشجاعة موهبين
اللي حارس كان شجاع
و اللي بيأمن دفاع
كله كان عنده إقتناع
كله كان عنده يقين
#حسان_غانم