لا تقطفي. .بقلم الشاعر. .صبحي ياسين

==== مش عايزه حاجه منك ===
قصيده من فئه (شعر ألآغاني)==
قصيده للشاعر // على عبد الرازق صالح احمد
المعصــــــره -- الفتح -- اسيوط
==================
مش عايزه حاجه منك
يكفيني البعد عنك
افتكر يوم وتنسى
وأحن وانت تقسى
اتريك غدار وخاين
ياما كلموني عنك
مش عايزه حاجه منك
=================
كان أيه اللي رماني
عليك وانت اناني
اتريك غدار وخاين
غدار على صغر سنك
مش عايزه حاجه منك
=============
انا هنسى اني شفتك
وهنسى يوم عرفتك
من قلبي مش هسامحك
ولا عمري يوم هصالحك
سيبني انا اداري جرحي
وانت الله يسامحك
قلبي كان حته منك
خاب ظني فيك وظنك
واليوم انا جايه اقولك
مش عايزه حاجه منك
============
اتريك خداع وخاين
خيبت ظني فيك
عمرك ماهتبقى ليه
والا عمري هبقى ليك
اقول الله يسامحك
والا اقول الله يجازيك
يكفيني ان اقولك
مش عايزه حاجه منك
مش عايزه حاجه منك
==================
قصيده غنائيه للشاعر // على عبد الرازق صالح احمد