( الحكـــايه )
..............
الحكايه ..
حرف تايه جوه اسمى
جوه آلامـى القديمـه
الحكايه ..
هى رسمك لحن همسك
رجعونى سنين طويله
الحكايه ..
ياأمـيره هـي انتى
وعمر تانى عشته جنبك
وذكرى أحلامى الجميله
الحكايه ..
ذكرى ابنى ذكرى بنتك
والسنين كانت حزينه
الحكايه ..
كنتى أغلى من حياتى
كنتى أملــى وامنيـاتى
وانتى بكره وذكرياتى
الحكايه ..
عمر فات واللى باقى
مش عارفين نهـايته
النهايه فـ قلبك انتى
زى ماكنتى البدايه
◙ صلاح الشيخ ◙