أنا اللى واقف من بدرى بستنى يحن
ويطل بدرى من الطاقة يضحك ويشن
خلخاله وينطق علي الخطوة ألحان ويفن
وألمح عيونه بتضحك لي كده زي زمان
انا اللى بعزف أشواقى بأهات موجوع
خايف يكون والله نسينى من كام إسبوع
مافتحش شباكه فى مرة إيه الموضوع
مابقتش قادر على بعده ولا على الحرمان
أشكى لمين جرحى وقلبى فى غياب وحضور
على ذكره عايش متمرر عطشان للنور
و هو سايق في دلاله ولايق على الدور
بايع بقسوه اللى مابينا وكأنه ماكان
#عادل_عوف