..... ( رمضان كريم ) ......
..................................
أيوب ياأكبر ........ مبتلي
في الصبر ليك دواوين
داوي قلبي ....... المبتلي
الجرح صار ........ فدادين
كمل بنورك ........ دفتري
علمني دنيا .......... ودين
إملاني حب .......... ودفا
واهديني في .... العالمين
يارب زاد ............ الجفا
وبحق جاه ...... المصطفي
تبدر قلوب الناس وفا
تطرح ................... صفا
ويهل رمضان ...... الكريم
وانت ................. العليم
عبدك ................. سقيم
طالع مليم على سكتك
وانت اللي بإيديك الدوا
إبعت سحايب ...... رحمتك
طمن فؤادي اللي استوي
رسم النوى فينا حكايات
عايشين سوا والروح شتات
شايلين همومنا للممات
والسكات بعده ... إنكسار
والحكايه ........... بإختصار
الجب مليان ....... بالمرار
ونسينا ليه .......الموعظه
ماشيين طريق الإحتضار
ولا خدنا من يوسف عظه
والنوم لظى يارب حوش
واحمي الطيابه م الوحوش
عدي الزمان يادوب رتوش
خلف الوشوش بتئن روح
عم الطوفان والضحك نوح
فين السفين فينك يانوح
وليه وليدك شكله غاضب
والبحر فيه الحوت آمين
لما شاف يونس مغاضب
وبأمر رب ....... العالمين
عداه لبر ...........الطيبين
واحنا لجلالك ... مشتاقين
يارب وبجاه ........ الآمين
خدنا في رحابك ... آمنين
خدنا في رحابك ... آمنين
.................................
بقلمي الفلاح الفصيح
معوض حلمي
منشأة بطاش
تمي الأمديد
دقهلية