قصيده بعنوان......... شايف بطل
إشرب وتكتك يابطل
أنت اللى فيك نبت الأمل
وثور عشان غيرك يعيش
أبطال تموت تسيب أبطال
واقفه أسود مبتنحنيش
امسك سلاحك فى ثبات
عرق الشهامه فيك مامات
والحق فيك عامل حداد
والهمه فيك مابتنتهيش
عجز الكلام عن الكلام
من قلبى ليك مليون سلام
علمتنا إن الاوطان
فى القلب ساكنة ما بتنتسيش
شرف البطوله بين إيديك
اصرخ وثور الله عليك
خلى النعاج تقدر تعيش
شايف بطل فاق الحدود
مغوار رشيد فك القيود
وقال يابلدى ما تخافيش
عايش على عهد الجدود
عمرى ماأخون ولو ح أموت
إطمنى ومتيأسيش
كلمات الشاعر محمد ثروت عبد الحفيظ