صباح الخير والسعادة أهل همس مصر..اسمحوا لي بنشر حلقة المسحراتي اليوم بقلم استاذنا فاروق الباشا وبالنيابة عنه لظروف النت عنده..
###########################
المسحراتى "٤". الغيث الوفير
مسحراتى داير بين الحوارى طبال
شايل فانوسى وعكازعلى قدالحال
اصحى اللى نايم واقول موال
حكم غالية ومن الامثال اقوال
اسمع عن اللى ماشفنهوش
بس عرفناه بالعقل
اول مالوش اخر
واخير مالوش كفوا محل
خلق الكون فى ست ايام
من غير تعب ولاكلل
ولعمارة الكون
خلق من العدم ادم
ومن ادم خلق حوا ونس وحل
ومن طهر الترائب والاصلاب
خلق الاحمر والاسمر واللى زى الفل
ومن جوف البتول خلق المسيح
نبى ورسول انسان مكمل
اصح يانايم
وحد ربى وربك عز وجل
اصح يانايم
سبح الرحمن العقد تتحل
الشهر ضيف
واكرام الضيف غير مؤجل
صم وصلى وساعداليتيم والكل" ١"
اصح يانايم
سبح الرحمن العقد تنحل
"١" الكل بفتح الكاف بمنى الضعيف
مع اطيب تحيات فاروق الباشا