قصيدة بعنوان..... فيفا يافيفا
فيفا يافيفا......بطلو الحريفة
اللى ما يسوا...... تلاتة تعريفة
واللى بيأذى....... زميله عشان
يكسب كاس ......أوحتى نيشان
مهما إتغطى......... أكيد عريان
وأدى راموس....... لعيب سهتان
عرا أساسكوا..........بكل بيان
بان على أصله .......دون وجبان
وإبن النيل ......فنان وأصيل
أصله إتربى.......... عمره ما خان
مش بيمانع......... ولا بيلاوع
وبأخلاقه ...........عاش إنسان
ف الملعب......... يلعب بنزاهة
وبيكسب.......... علشان فنان
يا اللى فريقك...... مش حريف
ممكن تكسب........ ب التزييف
تضرب تكسر ....... أى مهاجم
عمرك يوم......... ما هتبقى نضيف
لما تحب......... تكون إسطوره
ب الأخلاق......... هتزين الصوره
أصل الكورة ........ياصاحبى مهارة
مش فهلوه.......... فارغة ومحظوره
جوه الملعب .........حدد هدفك
وإوعاك تكره.......... واحد سبقك
علشان حابب........ يكسب فوره
يكسب مره.......... ويخسر مرة
ناس فرحانة........وناس مغلوبة
عمر المكسب........ما هيتخلد
أصل الكورة ......مش مضمونة
كلمات الشاعر محمد ثروت عبد الحفيظ