شجره التوت
======
من فوق عمدان الميدان
واقف بشاورلك
وراسك المحشوره ورا القضبان
بتشهد على اللى كان
وسط جموع الخلايق
فرحان بتحريرك
وانتى بوشك ندم
بيخبى تفاصيلك
كسرت عيدان الحديد وقلت أعدى لك
فى عنيكى دمعه قديمه
وسط دواير جفاف
لمحتها عينى فجأه
دا قبل الوجود ما يخاف
جريت بسرعه أضمك
وقلت ولا يهمك
دا قلبى العروسه الحلاوه
وقلبك البنوته
وشفايفى يتغزل م الطيبه حدوته
وكفوفى تصد الرصاص
وتزرع التوته
أموت ولا إن الدمعه
تنزل على خدودك
افرد بتوبى مظله
تحميكى م الحراس
يا حبيبتى هى الناس
هتفهمك قدى ...
دا أنا حبيبك أوى
بس الرصاص كناس
حتى وأنا ميت بمد لك يدى
من فوق جسور ضهرى
مرى بقى وعدى
معادتش فيه سيد
دا أحنا ف هواكى عبيد
إيدينا متكتفه
وسمارها هو القيد
تلضم برغم الأسي
من النجوم عناقيد
والروح بتهزم موتها
وتلفك إنت حياه
والله كلك أمومه
وإنت مازلت فتاه ....
========
إبراهيم معوض
======
من فوق عمدان الميدان
واقف بشاورلك
وراسك المحشوره ورا القضبان
بتشهد على اللى كان
وسط جموع الخلايق
فرحان بتحريرك
وانتى بوشك ندم
بيخبى تفاصيلك
كسرت عيدان الحديد وقلت أعدى لك
فى عنيكى دمعه قديمه
وسط دواير جفاف
لمحتها عينى فجأه
دا قبل الوجود ما يخاف
جريت بسرعه أضمك
وقلت ولا يهمك
دا قلبى العروسه الحلاوه
وقلبك البنوته
وشفايفى يتغزل م الطيبه حدوته
وكفوفى تصد الرصاص
وتزرع التوته
أموت ولا إن الدمعه
تنزل على خدودك
افرد بتوبى مظله
تحميكى م الحراس
يا حبيبتى هى الناس
هتفهمك قدى ...
دا أنا حبيبك أوى
بس الرصاص كناس
حتى وأنا ميت بمد لك يدى
من فوق جسور ضهرى
مرى بقى وعدى
معادتش فيه سيد
دا أحنا ف هواكى عبيد
إيدينا متكتفه
وسمارها هو القيد
تلضم برغم الأسي
من النجوم عناقيد
والروح بتهزم موتها
وتلفك إنت حياه
والله كلك أمومه
وإنت مازلت فتاه ....
========
إبراهيم معوض