جوه القلب
____________________
جوه القلب مش بيبان
كل اللي بيشغلنا
حنينا الليهم
وأفراحنا
وأحزانا
وزحمه شوق
ودنيا معكره
وساعات بتروق
وآهه وحزن
ولخبطه ومواعيد
وفكر سارح
ماليه تنهيد
وبالتحديد
مش هي ملامحنا
وآيه فاضل هيفرحنا
صاحب الهم مش بينام
وبيفكر
وقمر الليل جميل لكن
في ثوب القبح يتنكر
ولابس وش
ما أتعس حياه الغش
والغربه بين الأهل
شيئ مش سهل
ودهس العضم ف رحايه
لكن ع المهل
ما أصعب الجرح
اللي مش باين
ما أصعب حياه الجهل
وصباح متغمس بطعم ديون
والمديون كما المسجون
بيتفرج على الحفله
وبعد ما خلصت الزفه
صبح مجنون
وساعات كأنه طفل ف اللفه
في ايام مليانه بموت غفله
ويتحاكم وتهمته العفه
وبعد ما مالت الدفه
العدل ليه
رافض يعدل الكفه
والتعلب كان هنا
ولفه ورا لفه
مين اللي قتل القتيل
ومين من. دمه يتشفه
شداد