بطل من ورق
................
ممنوع حسب الرواية من أخر فصل ليها
موجود انا من البدايه فى كل صفحة فيها
قدام الناس بطلها قلبى وحده اللى طالها
ماحبش حد غيرها ولا غيرى كان شاريها
مكتوب كده فى الدراما للحبكة فى الفصول
يموت لجل الكرامة الواد بن الأصول
ويحل محله شاطر حريف لعب الخواطر
على كل الخلق قادر عنده حبة قبول
يرسم دور الشريف ويبان دايما ضحية
مكار زى الخريف وعيوبه مداريه
لكن وقت المصارحة بتجيله ألف سرعه
والوش يبقى سبعة وإيديه فى الخطف ميه
ويبان أصله وحقيقتة بعد فوات الأوان
بعد ماتبقي الضحية ضحية ومن زمان
وماعدش بطوله تنفع مافيش ايام بترجع
والجرح رغم يوجع لكن كان اللي كان
وتخلص الحكايه وبتفضل المواقف
ذكرها بحر ثائر بيفجر العواطف
ويجدد الألام كلام بيجيب كلام
وكلمة النهايه تبعترها العواصف
#عادل_عوف
#بطل_من_ورق