لا تقطفي. .بقلم الشاعر. .صبحي ياسين

السلام عليكم ورحمه الله وبركاته أهلى أهل همس مصر الكرام موعدكم الان مع برنامجكم اللمه فى رمضــــــــــان
معكم / إبراهيم معوض
ـــــــــــــــــــــــــــــــــ
الحلقه العاشره
ـــــــــــــــــــــــــــــ
جدى أتأخر حبه
من بعد التراويح
الظاهر إنه ف الحضره
وجلسه التسابيح
فى ذكر الله تلقاه
يرجع كما شاب صغير
وف ذكر آل النبى
تلقاه كده بيتغير
لما تشوفه ساعتها
بين النشاط والمرض
العقل يتحير
يرجع ويقعد بيننا
كما ورده ف البستان
واحنا هنا من بدرى
ومفتحين الودان
نعود للبطل من تانى
جوا صفوف الجيش
وف حربه للأشرار
يوصل كده بالصدفه
لفرقه الأحرار
وينضم كمان ليهم
لأنه كان بينادى
بالحريه قبليهم
غرضه يحرر وطنه
من الملك والإحتلال
وهى دى يا ولادى
مهمه الأبطال
يشاركه (عبد الناصر)
فى كل إجتماع
لأنه كان عبقرى
وله ف النضال باع
طول عمره يفدى الوطن
ولا عمره خان ولا باع
ولمن تقوم الثوره
ويحرروا الوطن
م القصر والأتباع
يعلن هو بيانها
بصوته ف المذياع
أديب وفارس وشاعر
يشيل هموم ناسه
وبكل إقتناع
ومسك أحرار الجيش
كل زمام الأمور
ومزقوا الإقطاع
وهو واحد منهم
حاضر بدون إنقطاع
بس كان رأيه
هدفه التنوير
فتح (جريدة ا لجمهوريه)
وكان رئيس تحرير
يعرف الناس القضيه
دول شربوا وهم كتير
وف العمل العام
ظاهر وله تأثير
نايب فى البرلمان
هنا عن دايرتى
صوته دا صوت الشعب
فلاح ونابت أصلا
من تحت نير الغلب
طافح مرار زيهم
لأنه واحد منهم
موصول كده مع ناسه
هنا ف (ميت أبو الكوم )
ما هى مسقط راسه
ينفذ مطالبهم
يحن ع الضعيف
ويوقر الشيبه
ويشجع الفتيان
ويرفض الغيبه
ويعطف على الغلبان
أصبح له عندهم كده أهم مكان
وكان يا ما كان
ينتهى اليوم يا أحفادى
وبكره نكمل كمان
عن فارس الوادى
يلا إتسحروا
وبعد السحور صلا
وارجعوا من تانى لمتعه الأحلام
تصبحوا على خير
==================
الحلقه موجوده فيديو على هذا الرابط
https://www.youtube.com/watch?v=qH8ie6gAruY&feature=youtu.be