لا تقطفي. .بقلم الشاعر. .صبحي ياسين

( سي رشدي أباظة )
ياللي عاملي رشدي أباظة
وفاتح صدرك حتى الصرة
قوللي لماذا ولما ياأباظة
شعر الصدر مطلعه برة
عيب يأباظة إختشى ياأباظة
إنجغا إنجغا هاتوا البزازة
عامل فيها الواد ديليكاه أرستقراط بتقول بباه
ترقص سامبا وصلصة ورومبا
مبين بوكسر أوللا
في الإيد دي جوان
والإيد دي إزازة
وخاتمين فضة غير الحظاظة
من الكباريه تطلع ع الديسكو
تلقى بنات كدا ع الفرازة
تعاكس جوليا وتشقط داليا
أما أنت لذيذ ياأباظة لذاذة
عيب ياأباظة إختشي ياأباظة
عيب قوي قوي عيب كدا ياأباظة
تتفشخر قوي بفلوس أمك
ونفوذ دادي وأطيان عمك
أما اليخت هناك في مارينا
وفندق أمك في جنوب سينا
عيب يا أباظة إختشي يأباظة
عندك قصر في كايرو بلازا
ويخت مارينا وفندق سينا
سيبنا في حالنا ياعم أباظة
ماانت عارفنا يامقريفنا 
مانستحملش وخلقنا ضيق
لما يشوف الأشكال ديا
يزنجر قوي على طول ويزيق
ويبرطم بكلام ماله عازة
عرفت لماذا بقول ياأباظة
لاأنت شبهنا ولا بنشبهلك
يافصيلة نادرة قوي وممتازة
ياعم أباظة ياللي قارفنا
دا احنا يادوب بنجيب مصاريفنا
إبعد عنا ماتستظرفش
كفاية علينا زمانا ظارفنا
بقلم طارق السيد