قصيده بعنوان....... بهيه فيها الخير
هناكل أوراق الشجر
وهنسرح ف الغابات
مدام الفقر إنتشر!!!!!
وطموحنا فينا مات!!!!!!
.................
ياعم الشيخ إرحمنا
شبعنا م الإيحاءات
وكلة بقى يتسيس
والعصمة للبهوات
..................
بهية فيها الخير
وجميلة الجميلات
دايما ربك غانيها
وحاميها م الأزمات
..................
إحنا اللى العيب مالينا
بنصدق الحكايات
والسوس بينخر فينا
ويروج الإشاعات
....................
مصر الأمل والعمل
مذكوره ف الروايات
طول عمرها شيالة
تدى وماتقلشى هات
.................
ف أزاى تقول نتحمل
وهى ست الكل
لا ترضى لينا نجوع
ولا ترضى لينا الذل
.................
ده الخير طارح خضار
لو كان يعود ع الكل
لصار فقيرنا غنى
وعاش حياته فل
....................
فهمت قصدى ياشيخنا
ولا أقول من تانى
بلاش نقول فتاوى
من غير دليل عميانى
.....................
الفقر أه مش عيب
بس الأمل موجود
وإزاى نحلم ببكره
لو حلمنا ح يموت
.....................