عزيزي الشاب
قبل التفكير فى عروس جميلة تتزوجها وتعيش معاها قصة حب خيالية وتبدأ تحلم انك بتجرى وراها على البحر والفطار يجيلك ع السرير وبتعاكسك بمعجون الحلاقة والحاجات اللطيفة الظريفة دى
شوفها الأول متربية ازاي .. في أي بيئة أخلاقية.. مامتها بتعامل باباها ازاي .. والام دي متسلطة ولا مهملة ولا سليطة ولا محبطة.. شوف نصايحها لبنتها .. شوف زوجة مستقبلك من النوع اللي بيعمر ولا اللي بيدمر .. شوف اللي اخترتها طريقتها في حل المشاكل مع الآخرين وبتحلها من منطلق حق ولا باطل .. ولو كان سبق لها جواز (وده مش عيب طبعا) شوف حلت مشاكلها مع طلقيها ازاى
وصدقني سجادة الصلاة ليست هى الترمومتر اللى بيقول عليها دي تعرف ربنا .. ربنا سلوك ومعاملة وأخلاق قبل ما يكون مظهر أو دعايه بتعملها لنفسها
وقبل ما تفكر ف ست والسلام فكر في زوجة تكون صديقة وشقيقة وام تحتويك وتراعيك وقت الشدة .. اللهم قد بلغت
