يا ترى...يا هل...ترى
سافر وغاب..والقلب داب
فى بعاد الاحباب
ايام وسنين..وزاد الانين
والشوق والحنين
وراح وقال ..عدولى
مش عايز تقول ..اية السبب
حبايبك قالولى
ركب دماغة وسابنى..وخوفى عليك
والقلق مش عايز يسيبنى
وهجرقلبى وقواربى..وجندولى
دة انت حبك..فى قلوب حبايبك
كامل الدسم...مش لبن ..رايب
وقضى العمر متغرب..لية بتبعد
ومش عايز تقرب
حضن حبايبك دافى..تعالى وجرب
البعد نار .. متعلق فى الحبال الدايبة
وحبل المودة ..سايب
شايف لك ..هناك شوفة
وحبايبك هنا..عليك ملهوفة
دى حروف اسمك..ف القلب ملفوفة
كفاية كدة
هتقضى عمرك..عنى غايب
داير فى الغربة تتصرمح
مع البيضة والشقرا
بتجرى وبتلعب وبترمح
قمار وخمر وكاس
وسايب امك قلقانة عليك
وانت ما عندكش احساس
مش خايف عليها..من الشماتة
وكلام الناس
ارجع لعقلك..دى ناعسة عليك
سهم حبها ..صايب
وفلت اتجوز دية..وخدوا منى الجنسية
يرضيك يطلع ..خال ولادك
زى الولية
وحماتك ماشية..على حل شعرها
لامكسوفة ولا مستحية
كان مالها بهية..يا خايب
الدلوعة سهراتة طول الليل..براحتها
نوادى ورقص وديسكوا
لو راجل قول لها..تلم عورتها
يرضيك بنتك. تطلع لامها..وخالتها
كان مالها الشريفة.بنت بلدك
الندامة تتجوز وتلم .والاصيلة..سايب
شغال وبتقبض.كتير ويامة
بعت لامك حاجة.ياخلفة الندامة
دة انت لو ماصرفتش..على السنيورة
ودلعتها هتقولك مع السلامة
عيب عليك
رايح تتجوز الضايعة..ام النوايب
ياترى..يا هل.. ترى
لية يابنى.سايب حبايبك عليك متحيرة
راح الهنا.وحل الضنا
وامك حزينة مهمومة ومتكدرة
لا نوم ولا راحة..ودموعها على الخد سياحة
ليل ونهار .عليك نواحة
ارجع واتجوز الاصيلة.بنت بلدك
وخد لك من الهنا..نايب
ومقام الست الطاهرة ..وقنديلها
لترجع لحضن امك.من تانى
وباعلى صويك ..نادلها
وجوازة الندامة
نيلها وسيبها واندلها
يارب يابنى
يكون نزوة. ولا يكون ليك منها
خلفة ولا عيلة ولاعزوة
وتتجوز الصابرة الشريفة
وتعيش باقى عمرك
متهنى بيها.وعن الحرام..تايب
بقلمى
محمد يونس
