لا تقطفي. .بقلم الشاعر. .صبحي ياسين

قصيدة باللهجة العامية ...
بعنوان ... يابلدي الشام ...
.....................................
يا بلدي الشام إنتي الفرحة بعينيي
ويا أحلى ضي إنتي نبع الحنية
أنا مشتاق بوس ذرات ترابك
وبوس هالأرض والأزهار الندية
أنا مشتاق للسهرة بحديقتنا
مع الجيران وصحابي والأهلية
ولشرب الشاي والقهوة سميرتنا
جنب لزهور والوردات الذكية
......................
أنا مشتاق إتمشى بحارتنا
بعد لغروب بي ليالي الصيفية
تا شوف الورد عم يضوي بديرتنا
وصبايا الحي متل زهور البرية
أنا مشتاق شوف الشمس بسماكي
الصبح بكير لما بتشرق يومية
والعصافير لما تعلي بهواكي
و ع وش الأرض تغني أحلى غنية
.......................
يا شام الحب إنتي إلنا القداسة
وإنتي الكرامة وإنتي القيمة العلية
وفيكي المحبة وفيكي أحلى الأماسي
وإنتي الأمان وإنتي اللمة الهنية
أنا ياشام ما إلي غنى عنكي
إنتي لقلبي متل الهوى والمية
راجع لعندك إنتي يا أغلى وطن
إنتي الأميرة وأنتي أحلى صبية
.............................................
د. ملك محمود الأصفر