لا تقطفي. .بقلم الشاعر. .صبحي ياسين

=== لو كان الآمر أمري ===
قصيده من فئه الشعر الغنائي للشاعر / على عبد الرازق صالح احمد
المعصره / الفتح / اسيوط
==================
لو كان الآمر أمري
انا كنت ارجع بعمري سنين معشتهاش
لا... اعيش ويا اللي أحبه
والا ...... اقول بلاش
واعمل من نفسي حاجه وأقول لقلبي حب
يادنيا كفايه غلب
وأعيش زي اللي عاش
لو كان الآمر أمري
اعود بالدنيا تاني
وأعيش ويا الآماني وأردد الآغاني
وأقول .... مبدهاش
لا.. اعيش ويا اللي احبه
او أقول ياناس بلاش
يا دنيا طلبت منك، الاقيكِ متدنيش
عايش فى الفقر ديما ، وانت معندكيش
لا.. عمري أكلت فسدق ، والا اعرف ايه ياميش
مغلوب عندك يادنيا ديما عملالي فيش
لا.. قادر اطير فى يوم والا طلعلي ريش
صورتي بهتانه ديما
مطلعتش ع الآفيش
وأصرخ وأقول ياربي ، انا ياناس تعبت
من دنيا معشتهاش
انا ناوي يادنيا ناوي ، لا.. اعيش ويا حبايبي
وألا.....  بلاش أعيش
والله يادنيا ناوي ، اودع الحكاوي
وأعيشك زي ما انت، اصلا يادنيا غاوي
وعمرك ماهتغلبيني ولو عملتي حاوي
وأخليكِ تحت أمري، والا ... أقرط يوم فى عمري
لو كان الآمر أمري
لو كان الآمر أمري
====================