لا تقطفي. .بقلم الشاعر. .صبحي ياسين

شرطه بعد الاربعين
بيجرى زى الخيل فى مضمار السبق
الحلم بنت صغيره
سابت يادوب دور الضفاير والفيونكات والحلق
فرقين مابين الحلم والايام
العمر فرق
عليك ومش ليك للاسف
وظروف حياتك فرق اقوى
مهما شوفته انه ضعف
...
عشرين سنه
تفرق مابين لحظات طموحك كلهم
والممكنات
عشرين سنه
لساك يادوب بتشوف طريقك
بس ضى الرؤيه مات
تعرف
كأنك حد بيتوب م الفشل
والروح على الحلقوم
اتأخر القلب الجرىء والمفترض
ان الحياه هاتدوم
....
هاتجرب الدنيا الجديده وتبتسم
ولا تخاف
هاتموت؟
الموت حكايه بتتقسم
والكل شاف..
البنت لسه بالضفيره لكنها
ممكن تحبك حب مليان اختلاف
#حسن_بعيله
#سيره_ذاتيه