((**أنا مش بخيله **))
** ** **
أنا مش بخيله فى عواطفي
بس حريصه شويه
والحرص دا أصبح عاده
وشيفاك ياعمري بتتمادى
وطلباتك بقت بزياده
ماتيجي نتفق مع بعض
إننا يوم مانبقى لبعض
عمرنا مانخون الوعد
وحياتنا كل يوم عرض
فيها العواطف كدا بالكوم
وعمرك ماهتبات مهموم
وفى السعاده هنام ونقوم
ولا عمرنا نزهق من بعض
صدقنى كل شيئ بأوان
وف وقته كل شيئ هيبان
والحب هنعيشه ألوان
بس أما يبقى لينا مكان
وحياتنا يبقى فيها أمان
صدقنى مش بخل مني
دى حياتى كلها تمني
انك تكون قريب مني
بس الحياه مالتني خوف
وهقولهالك من غير كسوف
كتير بشوف م الدنيا ظروف
عاشها كتير غيري
وخايفه يكون دامصيري
مش بشكك فى حبك ليا
وإوعي تقلبه لآسيه
مش طالبه غير حبة حنيه
وقلوبنا تكون مرضيه
كلمه أخيره هقولهالك
بكره هبقى ام عيالك
والله كتير شيلالك
وراح أقولهالك تاني
إوعى فى يوم تبقى أناني
ومن عواطفك تنساني
بس إنت بس إبقى إرعاني
إنت اللي ساكن وجداني
والله ماحد تاني
** ** **
كلماااااااااتي
