وعلى خطى السابقين نسير
المسحراتى
🌙🌙🌙🌙🌙🌙🌙🌙🌙
أصحى يا نايم
وحد الدايم
وحد الرزاق
قوم لف همسى
صبح ومسى
قول باعلى حس
رمضان كريم
جمع حبايب
وإدعى اللى غايب
للكل نايب
محفوظ في قلب كبير
أصحى يا كاتب
أصحى ياشاعر
هزوا المشاعر
قول للناسى
قول للى فاكر
الحب حب الخير
الحب نهر
بالود يجرى
يسقى ويروى
قبلى وبحرى
أرض وبشر والطير
الحب كلمه
الحب غنوة
الحب قصة
الحب حكمه
الحب همسه
الحب لمسه
الحب بسمه
الحب دعوه
الحب صدقه
وزعها وبـ تبذير
رمضان كريم
أصحى يا نايم
وحد الدايم
وحد الرزاق
يا أهل همس
صحوا الحابيب
نادوا الغايب
دا القلب دايب
فى لمة الأحباب
رمضان كريم
كل عام وانتم بخير
أرق تحياتي لكم
#عامر_السويفى