يا سلام يا سلام علي الانسان
ياعم سيب الناس تكون
خليك بلون مش الف لون
اوعه يوم ل الناس تخون
لاتلاقي نفسك ف خبر كان
ياسلام ياسلام علي الانسان
لما ضميره طاح في الريح
ضحايا كتير صبحت مجاريح
خلي الدنيا بقت مراجيح
والالوان ف حياته عنوان
ياسلام ياسلام علي الانسان
يتباهه بالحق ويمشي شمال
بالحب بيوعد ويخون ف الحال
زي التعلب.. بيلاقي مجال
يغرق بفريسته في النسيان
ياسلام يا سلام علي الانسان
اصحو ياخلق من الأوهام
وتعالو نكون زي الحمام
نلقط خير ونطير بسلام
لغصن الحب بزوء وامان
محمد الشيخ
