قصيده بعنوان....... رازان
رازان يابنت العرب
بأهديكى ألف سلام
أنا مهما أقول فى حقك
ولا يكفى أى كلام
....................
صابك رصاص الغدر
ياوردة لسه بريئه
لما الضمير إنعدم
وتاه ف بحور غريقه
...................
لبسه فستان الفرح
طايره زى الملاك
كلك كرامة وشرف
ع الجنه رايحه هناك
.....................
لا ألف دمعة ندم
هترجع اللى كان
ولا العويل والشجب
هيصحصح الخرفان
...................
الهمة صابها العطب
وسنين على ده الحال
نايمين فى بحر الألم
وحالنا بقى موال
.................
بقى كل يوم شهيد
يضحى عشان نعيش
وضاع مابينا الشرف
والعار مابينتهيش
.....................
هى العروبه ليه
شايفها لبسه الكفن
وكل شيئ مابينا
مات من زمان وإندفن
....................
يأمة المليار
منعوا فيكى الأدان
وذلوا فيكى سنين
وساقوكى م الحرمان
................
العيشه بس بشرف
مذكوره ف الأديان
وهو فين الشرف
والأقصى ف التواهان