القلوب الطاهره
عبدالمنعم عدلى..مصر
كنت ماشى فى الحب سارح
مش همك نار التار
ولاهمك جارح
وقتلوك
قتلوك ياجليبى
وإنت صغير
وخدوا عذاك
وإنت واقف
مستنى قدرك
هو إنت فاكر إيه
هيسموا عليك
دول بيعملونا كالحشرات
وتحت المداس ننداس
أوعى تنسى ياجلبى
إنك دست على الكتاب
ومشيت على السحاب
حبيت ياجليبى
والله حبيت
دالناس دايبه
فى الحب دوب
وحرموه عليك
إوعى تكون
فاكر إنك عايش
إنت ميت
لما خدوا منك حبيبك
وتحت التراب
مشيوا عليه
لساه صاحى وبينادى
وصرخته سامعها
فوق فى العالى
ياظالمين الحب
سيبو القلوب عايشة
تحب وتتحب
دالقلوب الطاهرة
دايبه فى الهواء دوب
ياأخذين بالتار
يامحللين الدم ليكم
دايسين على
أجنة الحب برجليكم
كله دم
والدم حلال ليكم
والحب حرام
أمام عينيكم
بقلمى عبدالمنعم عدلى
