لا تقطفي. .بقلم الشاعر. .صبحي ياسين

مسحراتى وف إيدى الطبله تطمنى
ف وحده طريقى بدور ع اللى يكون منى
يصحى يزق الغطا والغمه
يعلى بإيده العزم والهمه
ينكت وهمه ويرميه
دا الفجر طالع مهمن تطول لياليه
والدمع عمره ما بيطول
هرجع وأقولها م الأول
دا مهما  طال الظلام
مسير العسر يتحول
إصحى يا نايم ... إصحى
دا الليل زايل
والقلب اللى كان  موجوع
مستنى طلوع الفجر
والله زمانه جى
بصوت الادان مسموع
مسحراتى فقير بطبله قديمه
وإيدين واكلها الجوع
داير على قوتى
وصوتى عمره ما كان مقطوع
أنقر على طبلتى
بالخوصه وراها البوصه
داير أحدد أرضنا المحروسه
مملكش فيها شبر
إلا مكان القبر
وجاهز اموت فداها
لجلن تعيش هى
دى هى الحياه كلها
بس العيون معميه
من زرعها شبيت
والزرعه لسه عفيه
وف حبها طبيت
دى عزيزه وأبيه
صورتى سمار طميها
وعزى من عزها
وعمرى على عمرها
يبقوا سنين كتار
من إمتى كانت بيعه
ولقمه للسمسار
جوا تاريخها مينا
وحد أقطارها
رساها ع المينا
وعارفه مشوارها
جواها رجال شداد
حافظه لأسرارها
أصحى يا نايم ... أصحى
ورتل ف أشعارها
بقلمي/إبراهيم معوض