لا تقطفي. .بقلم الشاعر. .صبحي ياسين

مين صاحي .
....................
يدردش حبة ويايا.
ولو وقته كان يسمح
يسمع مني شكوايا .
نفسي في حد يسمعني.
أقوله أنا إيه بيوجعني .
وياخد لو ثواب فيا
ويشعر ب إللي جوايا.......
مين صاحي
يدردش حبة ويايا.
عشان مخنوق..
ومش قادر أقف ع الأرض .
ومش طبعي إني أترازل
في يوم علي حد.
بطلب منه . يسامحني
وأنا راضى يحملني
حساب وقته.
لمايضيعه معايا.......
مين صاحي
يدردش حبة ويايا........
هياخد نبزه مختصره عن
أوجاعي بالملي..
وعن قلبي اللي مالحقشي
في حبه الفرح يوصلي.
وفرحتنا... وضحكتنا..
مافيش ولا منها شيء شالي
بديت الحب من إيدة
وعشت أبني بيوت في الحب وأعلي.
وفؤت. وكل شيء من تاني
ساوي الأرض .
وعيب عيني اللي بتحبه
تعيش من بعده بكايا....
ومين صاحي
يدردش حبة ويايا........
آكيد قدري كتبلي .
أشوفه بالصدفة .
ماعرفنيش. ولا سابلي.
طريق يمنعني مي اللهفه .
فضلت معاه وربي.
روحي متهددة وخايفه .
واللي حاسبته كان  واقع  .
مالوش ولا حل ولا صرفه
وحلم وجيت أفوق منه
صحيت علي حزني وآسايا....
ومين صاحي
يدردش حبة ويايا.......
أكيد ممكن أكون خاطئ
وبحكم ع الأمور بالقلب
ودايماً عقلي مش ناطق
خصوصاً وقت لما بحب.
ومش شايفه غير إداني 
الأمل حبة.
في وسط ظروف كانت صعبه .
مافيش ولا لوم عليك يالي
وصلت معاك
تحلفني
إن هواك يكلفني
ليالي أبكي فيها عليك
وقلبي بيعترف بالضعف
وشكراً  ليك
جرحك ليا قواني
وخلاني
أرضي بأيها نهايه............
بقلمي
        Sayed El Shaer