بنت ياسوسن قربي ودنك
عايز أقوللك سر خطير
قول هتقول إيه ياعم حزمبل
قول متخافش السر في بير
حلمت ياسوسن حلم مخيف
خير اللهم إجعله خير
حلمت ربيعنا بياكله خريف
والغربان حوالينا بتطبر
وشوفت كمان أنا بوم وحدادي
هاجمة على أعشاش العصافير
وبرضو ياسوسن شوفت كمان
كلاب وديابة وضباع وغيلان
لونهم إسود زي الليل
هاجمين بشراسة على الغزلان
وفجأة أنا شوفت شعاع من نور
وأسود ونسور بتعدي السور
وبتنهش لحم وحوش الغابة
وخضرة بتكسي الأرض البور
ياعم حزومبل بتقول إيه
وتفسير حلمك يطلع إيه
تفسير حلمي جنودنا أسودنا
بتنهش لحم ولاد الإيه
وولاد الإيه دول يطلعوا مين
شياطين ولا بني آدمين
سؤالك صعب لكني هقوللك
دول جنس الإرهابين
بقلم طارق السيد