. أبي . . .
أبويا يا حبيبي
حياتي من غيرك
ملهاش لا لون ولا طعم
كنت ف وجودك متهني
من بعدك شفت الظلم
أنا كنت عايش في خيرك
ولا شايل للدنيا هم
من يوم ما فارقتني
لا نفعني خال ولا عم
* * *
شايل الهموم وحدي
ليه سبتني يابا
للدنيا اشوف وعدي
كل اللي كانوا معاك
دلوقتي بقوا ضدي
أنا كنت يابا معاك
مبشيلش هم الليل
أقعد معاك سهران
نصلي للرحمن ونرتل القرآن
طب ليه دلوقتي
الليل مبيعديش
ولما ييجي النهار
يسرع وميهديش
ويرجع ليل طويل
مش عايز يفارقني
ليل اسود ملوش قمره
ولا نجمه تنور طريق
من بعدك أنا يابا
عايش من غير رفيق
. . . بقلمي
منتصر عبدالنبي . . .