رسمتك فى الهوى احساس
واحساسي ان اكون ليها
جعلتك للحياه انفاس
ب اتنفس واعيش بيها
وشلتك ع الجبين والراس
وافكاري ملكتيها
وقلبى كما الكراس
سطورها انتي اللي تمليها
حروف ب الحب والاخلاص
فؤادي يعيش معانيها
وينبض قلبي بين الناس
ودقاته حنين ليها
وعيوني لها حراس
واتوه من نظرة فى عنيها
ورموشها ع العيون نبراس
والنن دنيا ب اعيش فيها
ولوسالتوا انا ليه ب احتاس
ساعة ما ب اشوفها والا قيها
ترد عليكم الانفاس
انا ب احيا واعيش بيها
بقلمى فهمى محمود حجازى